ЦАГААН сар ЗАРИМ хүмүүст ХАР нулимас БОЛООД байна
2012-02-10 15:33:27
Яг үнэндээ их зохиолчийн алдарт "Цагаан сар ба хар нулимас"-тай хамаа ч байхгүй шүү. Зүгээр өнөөдрийн энэ их эдийн засгийн өсөлтийг шууд перпендукляраар даган өсөж байгаа үнийн өсөлт нь найрлаж баярлах дуртай цөөн хэдэн Монголчууд бидэнд хэрхэн лай ланчиг болж байгаа тухай л бичих гэсэн юм. Үндэсний гэж хэлж болох цөөн хэдэн баярын үзүүр түрүүнд хаварын тэргүүн сарын шинийн нэгнийг угтах "Цагаан сар" маань зүй ёсоор ордог. Энэ их баяр цэнгэлийн утга учир нь шинэ оноо элбэг дэлбэг, цэвэр цэмцгэр, бэлэг дэмбэрэл төгөлдөр угтахаас гадна айл сайхалт, хамаатан саднаараа цуглан мэндийн сайхан үг хэлэлцэн хөгшид, хүүхдүүдээ баярлуулангаа хамаатан саднаа мартчихгүй байхад ихээ тус дөхөм үзүүлдэг аятайхан баяр билээ. Мэдээж баяр цэнгэл бүхэн өөр өөрийн гэсэн үнэт зүйлтэй байх тусмаа илүү утга учиртай байдаг. Манай наадам бол ярих юмгүй сайхан үнэт зүйлс ихтэй цэнгэл шүү дээ. Зуны дэлгэр сайхан цагт болдогтоо ч тийм байх. Гэтэл хаварын тэргүүн сар бараг л өвөл шахам болдог тул нийтийн өргөн зугаалга, гадаа талбайн бас бус арга хэмжээ явуулахад үнэн бэрхтэй тул айл айл хэсч, архи дарс ууж, бэлэг сэлт ёолилцон, бууж банш идэхээр л хязгаарлагдана. Миний бодохоор хамгийн том үнэт зүйл нь жилдээ нэг удаа хамаатан саднаа мэдэлцэн үр хүүхдүүдээ танилцуулахад л оршиж байх шиг байна. За энэ бол оршил байлаа. Одоо гол зүйл болох яагаад "ХАР НУЛИМАС" болж байгаа талаар ярилцая. Ярилцах ч юу байхав. Та бүхэн бүгд мэдэж байгаа. Би тиймээс тоймтой гуравхан л зүйл хэлчихэе.
"ЦАГААН сар ЗАРИМ хүмүүст ХАР нулимас БОЛООД байна" цааш унших »
Нийтэлсэн: anjigai, Нээгдсэн: 1325, Сэтгэгдэл: 29, Жоорло
"АДГИЙН шаар" ЯВЛАА шүү ДЭЭ
2012-02-09 16:44:34
Өвөл гээч улирал урт байх тусам л зуныг улам их санаад байх шиг бодогдох юм даа. Учир нь би өвөлд ер нь л дургүй хүн. Хүйтэнд даарч, хөрөх дургүй ч юм уу нэг тиймэрхүү л хүн. Тэгээд л зуны тухай сайхан бодлуудаа гаргаж ирж санах гэхээр хамгийн түрүүнд хар бага насны минь хөгийн хөгийн дурсамжууд ийш тийшээ шуугилдаж гүйгээд болохгүй юм. Том болсон хойноо олон л сайхан зуныг өнгөрүүлж байсан шиг санагдах юм. Гэтэл яахаараа тэр хэдэн дүрсгүй дурсамжууд түрүүлж орж ирээд байдаг юм бол. Магадгүй хиргүй цагаан цаас шиг тув тунгалаг сэтгэлтэй байхад минь бичигдсэн болохоор хамгийн том хамгийн сайхнаар үлдсэн юм болов уу даа. Ингээд бас нэгэн багын дурсамжаа бичиж байна. Мэдээж өнөө хүсэн хүлээж байгаа зун л болсон явдал байж таарна. Би чинь хавар очоод намар буцдаг усны шувуу байсан юм чинь.
""АДГИЙН шаар" ЯВЛАА шүү ДЭЭ" цааш унших »
Нийтэлсэн: anjigai, Нээгдсэн: 887, Сэтгэгдэл: 50, Жоорло
ХҮН үнэд ОРДОГГҮЙ, хүнсний ногоо ҮНЭД ордог ...
2012-02-07 13:02:22
Дээхэн үед хүүхэд байхдаа энэ үгийг хэлж хэрүүлээс зайлс хийдэг ч байсымуу хэрүүл эхлүүлдэг байсан юм даа. Ухаандаа "чи одоо юундаа үнэд ороод байгаан" энэ тэр гээд хүн үг хаяад ирэхээр нь "Хүн үнэд ордгүй, хүнсний ногоо үнэд ордгийн" гээд л дуржигнуулчихдаг байлаа.  Угнаасаа ч тухайн цаг үед "ХҮН"-ий үнэлэмж өөр байсан юмдаг уу даа. Ухаандаа социалист нийгэмд бүгд тэгш амьдрах жанцантай тул дарга, цэрэг, эрдэмтэн, ажилтан бүгд л атузандаа суугаад, махандаа оочирлоод амьдардаг үүнийгээ ч зүй ёсны социалист хамтын амьдрал хэмээн итгэдэг байлаа. Гэтэл өнөөдөр тийм биш болжээ. Чухам л өөрийгөө үнэд оруулж, үнэлж явахгүй бол нэг л өдөр "өөхөнд боосон ч нохой шиншихгүй, өвсөнд боосон ч үхэр идэхгүй" нэгэн болчих гээд байдаг болж.  Иймээс дор бүрдээ өөрийгөө үнэлж, чаддаг мэддэгээ харамгүй товойлгож, томруулж явах цаг ирсэн байна шүү нөхөд минь.
"ХҮН үнэд ОРДОГГҮЙ, хүнсний ногоо ҮНЭД ордог ..." цааш унших »
Нийтэлсэн: anjigai, Нээгдсэн: 1092, Сэтгэгдэл: 38, Жоорло
НЭГ дуу л БОЛГОХ гээд БАЙГАА юм...
2012-01-30 14:27:37
За өнөөх чинь ёстой нэг солиорно гээч нь болчихсон явж байна. Хүн бас гэнэ гэнэ өөрийгөө нээх их тоох юм байна шүү дээ. Ухаандаа би л гэхэд энэ шүлгийг дуу болгоно. Тэгээд Рок, Попын оддоор дуулуулаад аятайхан кэлийп хийлгээд түмэн олны сонсох дуртай ХИЙТ дуу болгоно гээд бодчихож байгаа юм. Ер нь бол хүнд үзүүлчих олигтой шүлэг ч байхгүй хүний санаанд яаж ийм том бодол орж ирдэг вэ гэвэл "БИЕЭ ТООЛТ" хэтэрсэн үед л орж ирнэ шүү дээ. ккк. За яадын миний энэ муу алд биеийг эзэн нь өөрөө л тоож явахгүй бол хэн тоохов. Үээд алднаа. Хүнээс дутуу төрөөгүйгээс хойш. ккк Нээрээ ийм учиртай юмаа. Энэ жил манай Скаутын холбоо анх удаа ОЛОН УЛСЫН ЖЕМБОРИ \international jamboree\ гэдэг зүйлийг Монголдоо хийх гэж байгаа юм. Үндэсний Жембори \National Jamboree\ гэж 4 жилд нэг удаа болдог л доо. Түүнийг бодвол илүү олон улсын хүүхдүүдийг оролцуулсан, тодорхой нэг санааг уриалсан илүү скаутлаг хөтөлбөр ихтэй арга хэмжээг улс бүр тодорхой бус хугацаанд хийдэг юм. Түүнийг л Монголдоо хийж үзэх гээд бядны хэсэг нөхөд ажилдаа орчихсон явж байгаа.
"НЭГ дуу л БОЛГОХ гээд БАЙГАА юм..." цааш унших »
Нийтэлсэн: anjigai, Нээгдсэн: 864, Сэтгэгдэл: 55, Жоорло
ААВ хүний БОДДОГ зүйлс НАМАЙГ дайрав...
2012-01-23 15:25:00
Хүн бүр л өөрийн үр хүүхдийн ирээдүйн төлөө санаа зовж тэднийгээ боловсролтой, мэдлэгтэй, сайн хүн болгохын төлөө чармайдаг байх. Яг өнөөдөр би гэдэг хүн бас л өөрийн толгойг гашилган хүүхдүүдээ "ХЭН" болох бол хэмээн уймарч сууна. Хүүгийн хувьд энэ жил 5-р анги төгсөнө. Ихээ мундаг хүмүүний "Бага боловсролыг нь энгийн сургуульд эзэмшүүлээрэй. Хэт багаасаа ачаалал авсан хүүхэд, хүүхэд насгүй болчихдог юм" гэсэн заавар ёсоор хүү маань ЕБС-д Англи хэлний гүнзгийрүүлсэн ангид суралцаад төгсөх гэж байна. Ирэх жил 5-р ангийхан "Үсэрнэ". Нэг үгээр шууд 7-р ангируугаа орно. Одоо бол харин хаширт жаахан хариуцлага өгч, хөрөнгө оруулалт хийх цаг болсон хэмээн одооноос сургууль судлаж байна. Хүү маань хаа очиж хичээлдээ гайгүй. Жаахан муухай л бичих юм. хэ хэ. Аавыгаа дууриасан лүд байгаам ккк. Саяхан болсон сургуулийнхаа математикийн олимпиадад Мөнгөн медаль хүртсэн байсан. Аав нь чадан ядан заасны хүчинд одоо Рубикийн шоог гайгүй хурдан эвлүүлдэг болчихоод байгаа. Ер нь бол миний хүү хар багын л ой тогтоолт сайтай, элдэв том том юм сонирхож, ярьсан хүүхэд байсан тул ЭРДЭМ-ийн хүн болох байх гэж найддаг юм. Тиймээс ч ирэх жилээс Кембрижийн стандартаар хичээллэж байгаа сургуулиудын нэгэнд уралдуулна даа хэмээн бодож байна. Харин охин маань энэ жил цэцэрлэгээ дүүргээд намараас хичээл ном үзэх зайлшгүй "шахаанд" орж байгаа шинэ 6 настан билээ.
"ААВ хүний БОДДОГ зүйлс НАМАЙГ дайрав..." цааш унших »
Нийтэлсэн: anjigai, Нээгдсэн: 2194, Сэтгэгдэл: 61, Жоорло
ЗҮГЭЭР л сайхан АМАРСАН тухай БИЧЛЭГ
2012-01-16 14:14:02
Ойрд ер нь энгийн амьдралын тухай хүүрнэн өгүүлсэн, тэмдэглэл маягийн бичлэг оруулаагүй юм байна шүү. Тэгээд энэхүү бичлэгтээ саяны амралтын өдрүүдийнхээ тухай хүүрнэн өгүүлэх гэж байна. Найз нөхөддөө, эрүүл мэнддээ бас гэр бүлдээ зав зай гаргаж чадахгүй бол мянган сайхан алдар нэртэй, их мөнгөтэй байгаад яахав дээ гэж би боддог юм. Тиймээс амралтын өдрүүдээ бас их аятайхан өнгөрүүлчих сонирхолтой байдаг. Хагас сайн өдөр манай байгууллага хагас ажилдаг тул эхлээд ажил дээрээ очиж бас бус зүйл амжуулдаг юм. Түүний дараа л чөлөөт цаг, хоббины асуудал гараад ирнэ шүү дээ. Өнгөрсөн хагас сайн өдрийн хувьд энэ жил Монголд зохион байгуулагдах хамгийн том, хүүхэд залуучуудын арга хэмжээ болох Монголын анхдугаар олон улсын Жембори\скаут хүүхэд, залуучуудын чуулга уулзалт\-ийн зохион байгуулах хорооны уулзалтанд оролцлоо. Нилээд эртнээс яригдаж гадаад улс орнуудруу багагүй хэмжээний сурталчилгаа явчихсан энэ арга хэмжээнд скаутын холбооны УЗ-ийн гишүүний хувьд хэвлэл мэдээдэл, ивээн тэтгэгч олох багийг хариуцахаар томилогдсон байна. Үйл ажиллагааны төлөвлөгөө, зохион байгуулах хорооны бүтэц гэх мэт олон зүйлсийг ярилцаж шийдсэн их үр дүнтэй уулзалт болсон. Тэндээсээ гараад банжиг сагсалдаанчидруугаа буюу Үндэсний шинэтгэлийн хорооны заалруугаа шогшчихож байгаа юм.
"ЗҮГЭЭР л сайхан АМАРСАН тухай БИЧЛЭГ" цааш унших »
Нийтэлсэн: anjigai, Нээгдсэн: 882, Сэтгэгдэл: 65, Жоорло
ХОШИН шогийн ХОЁР тасалбар ҮНЭГҮЙ ккк
2012-01-12 13:15:43
Үнийн өсөлт болон утаа, түгжрэл гэх мэт энэ их бухимдлын дундуур төр засгаас маань бяд бүхнийгээ баясгах зүйл бас их олныг хийж байна шүү. Орой очоод нэг их юм ойлгодог хүн аятай ТВ-үүдийн мэдээ үзэхээр л "элгээр явчих" гээд болохоон байлаа. Нэг бодлын эмэгнэн уйлмаар, нэг бол ичиж үхмээр зүйлс хачин их болж байгаагаас хоёрхон "элэг хөшөөм" зүйлсийг та нартайгаа хуваалцая. 1-р жүжгийг Нийслэлийн засаг даргын тамгын газар найруулан тавьжээ. Ингэж байх юм. 1911 оны эрх чөлөөний хөдөлгөөний дараагаар он гармагц Богд хаант засгаас хүрээг "Нийслэл хүрээ" хэмээн нэрийдсэн юм байх. Тэгсэн үүнийг соргогоор хүлээн авсан манай нийслэлийн их удирдагч нар "ёстой гомдоно" гэж үзээд энэ их ойг тэмдэглэн өнгөрүүлэх төлөвлөгөө гарган бүүр хомисс байгуулан ажиллаж байгаа сонсогдоно. Тэгээд одоо өнөө Өндөр гэгээний байгуулсан он тоолол удахгүй болох 400 жилийн ой этр нь яах ч юм байгаан. Дэлхийн хамгийн олон нэртэй хот юм гэнэлээ. Тэгэхээр удахгүй Өргөө байгуулагдсаны ой, Да хүрээ байгуулагдсаны ой, Улаанбаатар байгуулагдсаны ой гээд явж өгөх юм байлгүй дээ ккк.
"ХОШИН шогийн ХОЁР тасалбар ҮНЭГҮЙ ккк" цааш унших »
Нийтэлсэн: anjigai, Нээгдсэн: 795, Сэтгэгдэл: 66, Жоорло
ЭХ оронтойгоо БИ дэндүү АДИЛХААН гэж...
2012-01-09 15:12:13
Сүүлийн үеийн нөхцөл байдлуудыг л хараад байхад миний амьдрал ерөнхийдөө муу "сэгсгэр" эх оронтой минь ямар адилхан юм бэ гэж бодогдож байна. Би гэдэг хүн чинь хилийн дээс алхаад 7 хоногийн дараа буцахыг хүсч, 14 хоночихвол бүүр галзуурах шахдаг "эх орон" амьтай хүн байгаа юм. Тэгээд л нөгөө "сэгсгэр ч гэсэн ээж минь, сиймхий ч гэсэн гэр минь" гэдэг шиг утаатай, хөгжилгүй, бүдүүлгүүдийн туйл амьдардаг, түгжрэлтэй, ядуу "ЭХ ОРОН"-руугаа тэмцэж ирдэг нэгэн. 2012 он Монголчуудад их зүйл үзүүлэх тухайд бол би байтугай бичиг үсэг мэддэг хүн бүхэн бичсэн байх. Тэр нь ч эхнээсээ эхлэж байна. Өөрөсдийгөө боомилсон "сүрхий" сонгуулийн хууль баталсан нөхөд 1 сарын 1-нээс эхлээд хуулиндаа "дөнгө"-лүүлчихээд "яаж өөрийгөө эрхлаамдах" учраа олж ядсандаа дойлуур ын үнээр түүнээс улбаалаад бэнзээний үнээр мэдээж цаашлаад таны түрүүвчээр тоглож эхлэж байх шиг байна. кк Уг нь энэний оронд шоугаа хийгээд, аяга, календараа тараагаад явсан нь ч дээр байсан юм уу? гэсэн шүү юм бодогдож эхлэж байшд. Зиа тэгээд арзгар анжигай яаж яваад эх оронтойгоо ижил болсон тухай хэдэн жишээ оруулчихая. Энэхүү бичлэг нь Гүрбазар гуайн шүлгээр хийсэн Хурд хамтлагийн дуутай огт хамаагүй гэдгийг эхлээд өчсүү. Нэгдүгээр бөлөг:
"ЭХ оронтойгоо БИ дэндүү АДИЛХААН гэж..." цааш унших »
Нийтэлсэн: anjigai, Нээгдсэн: 909, Сэтгэгдэл: 68, Жоорло
УЛАМ улам ӨНДӨРСӨХ Улаанбаатар МИНУ зээ \ФОТО\
2012-01-06 12:11:38
Улс орны хөгжлийг өндөр байшин барьж чадаж байгаагаар нь хэмждэг бол манай улс ч бас гайгүй л хөгжөөд байх шиг байна. ккк. Миний бие уг нь өөрийгөө ФОТО сонирхдог хоббитой гэж боддог боловч ажлын зав гарахгүй байсаар байгаад олигтой ч зураг авч чадахгүй байна. Уг нь та нартаа бас гайгүй аятайхан зурагнууд үзүүлчихэе гэж хачин их бодож байгаа гээд нэг манжилчихнаа хэ хэ. Тэгээд Их дэлгүүрийн арын 2 өндөр цэнхэрийн нэгийх нь болконоор авсан хэдэн зураг сонирхуулая. Утаатай байсан тул зарим нэг нь жаахан шогдуу л харагдах байх. Гэхдээ яахууд. Гадаадад байгаа байтугай Монголд байгаа бид ч зарим барилгыг анзаарч хараагүй байж байгаад нэг л өдөр "пээх энэ том байшин хэзээ баригдчихав" хэмээн гайхаж байдаг шүү дээ. Тиймээс олонд сонирхолтой байж магад гээд доорхи зургуудыг танилцуулж байна.
"УЛАМ улам ӨНДӨРСӨХ Улаанбаатар МИНУ зээ \ФОТО\" цааш унших »
Нийтэлсэн: anjigai, Нээгдсэн: 1356, Сэтгэгдэл: 88, Жоорло
ШИНЭ оныг ХЭРХЭН угтсан БАЙХНАВ...
2012-01-03 13:12:25
Ээ дээ зүгээр л солиорол тул уншаад хэрэггүй байх шүү. Учир юун хэмээвээс Анжигай хэмээх нэгэн үл бүтэх этгээдийн оноос өмнө хэрхэн шоудсан тухайх л бичлэг. Миний шинэ жил нээх эрт эхэлдгийм дөө. Ер нь наасчир бол бараг л хичээлийн шинэ жил эхлэхтэй хамт л шууун гээд ороод ирчихсэн байж байдаг. Өвөлд дургүй мөртлөө шинэ жилд дуртай гэж яаваа. ккк. Ухаандаа бэлэг сэлт, баяр цэнгэл, гоё гувцастай бүсгүйчүүд энээ тэрээд л дурлаж байгаа хэрэг байлгүй дээ. Албан ёсны анхны шинэ жил мэдээж Банжиг шинэ жил байсан. Гайхалтай сайхан шинэ жил болсон боловч зохион байгуулагчид бид зарим нэг зүйлсээ зохицуулах гэсээр байгаад тов энэ тэр жаахан оройтож гараад арай цөөхөн хүн орсон байж мэдэх л юм. Тэгэхдээ жугаараа жугаар. Хүмүүс надаас ямар эртийн энэ тэр гэж асуудаг. Би хэлдэг "өөр өөрийн гэсэн ажилтай хүмүүс үүнээс хойш бол цуглахад бэрхтэй..." гэж. Иймээс цаашдаа ч банжиг шинэ жил эрт болдгоороо болно. Ийгээд л шинэ жил эхэлсэн үүнээс хойш бараг л өдөр бүр ямар нэг шинэ жил, номын хурим, төрсөн өдөр мөдөр болсоороон байгаад 2012 оныг арай ч гэж амьд мэнд тосон авлаа даа.
"ШИНЭ оныг ХЭРХЭН угтсан БАЙХНАВ..." цааш унших »
Нийтэлсэн: anjigai, Нээгдсэн: 1056, Сэтгэгдэл: 76, Жоорло
: 1 :: 2 :: 3 :: 4 :: 5 :: 6 :: 7 :: 8 :: 9 :: 10 : >>
(Нийт: 186)